Pute.

Litt om oppgåva og
faget.

Strikka mus.
Strikka katt
Strikka babysokkar.

Filtdyr.
Løpar.
Pute.
Forkle.
Posepose.
Bomullspose.
Heks.
Mus med klede.
Grå filtmus.
Juletre og julebjølle.
Applikert bilete.
Broderi.

Pute er vel ei oppgåve som har vore brukt gjennom alle tider. Denne varianten har vi laga mange av dei 2 siste åra. Stoff og fargeval har variert, likeeins dekor. Bomullsstoff har vore mest brukt. Størrelsen har variert, men dei fleste har laga pute med ferdig mål 40 x 40 cm.

Klipp ut eit stykke på 50 x 50 cm.

Klipp ut 2 stk. på 50 x 32 cm til bakstykke.

Framstykke og bakstykke treng ikkje å vere i same farge. Skal puta applikerast på eller dekorerast på andre måtar(setje på band eller blonder),må det gjerast først.

Sy sik-sak rundt alle sidene så nær som eine langsida på dei 2 stykka som er til bakstykke. Brett inn kant på dei langsidene som ikkje er sydd sik-sak, først 1 cm, så 1 cm til. Legg dei 2 bakstykka opp på framstykket-rette mot rette.Dette for å vere sikker på at du legg dei to bakstykka så mykje over ein annan at dei går kant i kant med framstykket. (Har klippinga vore nøyaktig, skal stykka liggje 5 cm over ein annan). Set knappenåler i dei to bakstykkedelene der dei skal syast saman. Sy frå begge kantane ca. 10cm inn mot midten. Legg bakstykket og framstykket mot kvarandre rette mot rette og set knappenåler rundt kanten, trokl og sy med maskin 1 cm frå kanten. Stryk ut saumen. Vreng puta. Bruk knappenåler til å dra stoffet godt ut i saumen. Set knappenåler rundt heile kanten. Stryk puta. Mål 4 cm inn frå kanten og set strek. Bruk linjal og stoffkrit. Set knappenåler over streken. Sy med maskin etter streken som er merkt opp. Sy i 1 eller 2 patentar eller knappar i opningen. No kan enten eleven kjøpe innerpute eller lage innerpute sjølv. Bruk billig stoff og fyll den med vatt. Vi er så heldige at vi får gratis vatt frå ein møbelfabrikk i bygda, så her lagar elevane innerpute sjølve.

Viss du vil sy pute med volang eller rynkekant rundt, klipper du framstykket 42x42cm.(Eller så stor du vil ha den). Bakstykket klipper du då 42xca.25cm.