Applikert bilete.

For å lære prinsippet med å applikere bilete er det lurt å starte med farga papir. Vel eit tema eller la elevane eksperimentere sjølve. Viser eit bilete i farga papir som er laga av ein elev i 7.klasse. Her var temaet landskap.

Etter at alle elevane hadde laga kvart sitt bilete i papir, gjekk vi over til stoff. Då jobba dei i grupper. Nokre grupper brukte filt, andre brukte ulike typar stoff. Ikkje alle brukte symaskina like mykje. Vi brukte lim for å feste stoffa til underlaget, og nokre av elevane meinte det var nok med berre lim. Andre brukte symaskina flittig.

Teikn 2 eksemplar av motivet. Det eine eksemplaret brukar du som mønster til klipping av dei forskjellige delene, det andre til å kontrollere plasseringa. Dei stadane der eit stoff skal leggjast opp på eit anna, klipper du minst 1cm sømrom, elles klipper du utan sømrom. Begynn bakerst på biletet og arbeid framover. Viser eit av dei stoffbileta som vart laga.

Alt om Håndarbeide nr.11 november 1982 har mange fine idear til applikerte bilete.

Fram.