NÆRMILJØ OG NATUR

Teksten nedanfor er henta frå fagplanen kroppsøving i L-97 og tek for seg målsetting og hovudmoment under overskrifta Nærmiljø og Natur for barneskulen.Denne planen er læraren forplikta til å følge når han skal underviser i faget.

Mål for småskulesteget, 1.–4. klasse

Elevane skal oppleve og lære å utforske naturen og utvikle kreativitet og glede over å vere i naturen, og oppleve seg som ein del av naturen. Dei skal bli kjende med nærmiljøet sitt og lære å ta vare på det.

Hovudmoment for 1.– 4. klasse

1. klasse/førskulen

I opplæringa skal elevane

ta i bruk natur og nærmiljø så ofte som mogleg for å utvikle evna til på ulike måtar å ta seg fram i terreng og underlag av ulikt slag
bruke skulen og næraste omgivnaden eller eit bestemt område til leik og annan fysisk aktivitet
ut frå lokale tilhøve arbeide med kva omsyn dei må ta til trafikk når dei skal drive leik og annan fysisk aktivitet
der det er mogleg, få erfaring med leik på ski og skeiser gjennom eit samarbeid skule – heim

2. klasse

I opplæringa skal elevane

få høve til å oppleve samspelet mellom menneske og natur ved å vere mykje ute
utforske naturen og møte dei utfordringane naturen gir til alle årstider gjennom aktivitetar som til dømes klatring, balansering, smyging, aking, ski og skeiser
stimulere sansar ved å oppleve naturen i all slags vêr
nytte naturen til leik og dramaaktivitetar

3. klasse

I opplæringa skal elevane

vere ute i terrenget til ulike årstider, slik at dei får erfaring med å røre seg og leike på ulike typar underlag
øve seg i å sjå moglegheitene eit naturområde byr på til aktivitet gjennom utforsking og leik
kunne prøve ut grunnleggjande aktivitetar i orientering
der det er mogleg, gjennom allsidig leik få øving i grunnleggjande dugleik på ski og skeiser

4. klasse

I opplæringa skal elevane

få opplevingar for å kunne tileigne seg kunnskap om samspel i naturen og ta ansvar for natur og miljø medutgangspunkt i lokal tradisjon og med innblikk i den samiske tradisjonen
arbeide vidare med grunnleggjande aktivitetar i orientering
der det er mogleg, arbeide vidare med grunnleggjande dugleik på ski og skeiser gjennom leikprega aktivitetarten
få kjennskap til kva reglar som gjeld for ferdsel i innmark og utmark, til dømes allemannsretten

Ut i naturen i L-97 (5-7.klasse)
Friluftsliv i L-97 (8-10.klasse)

Til toppen av sida