• Forprøver i fonetikk og lingvistikk
• Friluftsliv 
• Historie mellomfag 
• Informasjonsteknologi 
• Leiing for offentleg    tilsette
• Pedagogisk arbeid   på småskulesteget 1
• Pedagogisk arbeid   på småskulesteget 2  
• Praktisk-pedagogisk utdanning allmennfag 
• Regioplan Nordvest 
• Tysk grunnfag
• Vidareutdanning i rusproblematikk

Spesialpedagogikk 1. avdeling 

Studiet tek opp tema som rammevilkåra for spesialpedagogisk arbeid, barn og unge som individ og i sosialt samspel, ulikskapar når det gjeld læreføresetnader og metodisk/didaktiske tilnærmingsmåtar innanfor det spesialpedagogiske arbeidsområdet. 

Organisering og arbeidsformer 
Studiet vert organisert som helgesamlingar over 2 semester, haust 98 og vår 99, med undervisning fredag ettermiddag og laurdag føremiddag.  
Viktige arbeidsformer er forelesningar, gruppearbeid og prosjektarbeid. Planar som viser fagleg innhald og arbeidsmåtar fordelt på dei to semestra vil bli utarbeidde. 

Alle studentar skal gjennomføre spesialpedagogisk praksis med kvalifisert rettleiar.  

Studiestad: Molde 

Eksamen og kompetanse 
For å framstille seg til avsluttande vurdering må studenten ha delteke i dei obligatoriske delane av studiet og ha utført pålagt arbeid.  
I vurderingsgrunnlaget inngår ei semesteroppgåve/prosjektarbeid, som primært skal vere eit gruppearbeid på ca. 30 - 40 sider. Karakteren på semesteroppgåva vil utgjere ½ av karakteren. I tillegg vert det ved avslutta studium halde individuell skriftleg prøve over 8 timar som vil utgjere den andre ½ av karakteren. Ved tvil vil den individuelle eksamenen vere utslagsgjevande. 

Utdanninga fører fram til 1. Avdelingskompetanse i spesialpedagogikk og kvalifiserer til spesialpedagogisk arbeid i barnehage/skule. Eksamen kvalifiserer til opptak på ulike vidareutdanningseiningar (20 vt/2. avdeling) i spesialpedagogikk (logopedi, audiopedagogikk, synspedagogikk o.l.) 

Fagleg ansvarleg 
Avdeling for lærarutdanning v/pedagogikkseksjonen. 

Studieavgift 
Studieavgifta er sett til kr 15.000,-. I tillegg må studentane betale ordinær semesteravgift, minimum kr 375,- per semester. 

Opptak 
Grunnlag for opptak er fullført faglærarar-, allmennlærar- eller førskulelærarutdanning. Søkjarar som har fullført denne utdanninga før 1983, må fullføre eit suppleringskurs med nærare fastsett innhald for å bli tekne opp på halvårseininga. Studentar som har fullført lærarutdanning etter 1983 vil bli tekne opp direkte. 

Det kan også bli aktuelt å ta opp andre med relevant pedagogisk kompetanse. 

Studiet vert sett i gang med atterhald om ressurssituasjonen ved høgskulen og at det melder seg nok søkjarar. 
 

TILBAKE