Høgskulen i Volda 
Kontoret for etter- og vidareutdanning 
Boks 500  6101 Volda

 
Høgskulen i Volda sine fleksible vidareutdanningar studieåret 1998/99
 
 
Andre fleksible vidareutdanningar 1998/99: 

Praktisk-pedagogisk utdanning - allmennfag

Etter avslutta godkjent fagutdanning (minimum 70 vekttal) ved universitet eller høgskule må studentane ha eittårig praktisk-pedagogisk utdanning for å kunne verte tilsette i lærar, adjunkt eller lektorstilling. 
   
Organisering og innhald 
Utdanninga vil bli organisert som deltidsstudium over to år  (fire semester), dvs. haust 1998 - vår 2000. Undervisninga vil bli gitt i helgesamlingar (fredag ettermiddag og laurdag føremiddag).  

Utdanninga skal gje nødvendig fagleg og pedagogisk kunnskap og praktisk opplæring i å planleggje, gjennomføre og vurdere undervisning i samsvar med mål og retningsliner for grunn- 
skulen og den vidaregåande skulen. 

Studiet inneheld pr. dato 12 vekttal fagdidaktikk og 8 vekttal pedagogisk teori (inkl. 12 veker praksis) men studieinnhaldet kan bli justert frå hausten 1998, i samband med ny rammeplan for praktisk-pedagogisk utdanning. Planar som viser fagleg innhald og arbeidsformer i dei fire semestra vil bli utarbeidde.  

Studiestad: Ålesund. 

Eksamen og kompetanse 
Avsluttande vurdering i studiet omfattar dei tre områda: pedagogikk, didaktikk /fagdidaktikk og praksis. For at ein student skal kunne gå opp til eksamen, må desse vilkåra vere oppfylde: 
 - 80% frammøte til obligatoriske kurs 
 - Godkjent praksis og praksisrapportar 
 - Godkjent prosjektarbeid i pedagogikk 
 -Godkjent individuell fagdidaktisk oppgåve 

Studiet har to individuelle, skriftlege eksamenar, ein i pedagogikk og ein i didaktikk. 

Fullført studium kvalifiserer for lærararbeid på grunnskulens ungdomssteg, i vidaregåande opplæring og innanfor høgre utdanning. 10 vekttal i PPU-studiet er for tida godkjent som del av cand.mag.grad. 

Fagleg ansvarleg 
Avdeling for lærarutdanning v/pedagogikkseksjonen 

Studieavgift 
Studieavgifta er ikkje endeleg fastsett, då denne vil  vere avhengig av endringar i rammeplanen. Truleg vert denne kr 35.000 - 40.000,-. I tillegg må studentane betale ordinær semesteravgift, minimum kr 375,- per semester. 

Opptak 
Grunnlag for opptak kan vere: 
- Embetseksamen av høgare grad, f.eks. cand. real., cand.polit. 
- Cand.mag.grad: Samla studiekompetanse på minst 70 vekttal (eit av faga må ha eit omfang på minst 30 vekttal) 
 - Faglærar: Eitt fag med omfang på minst 30 vekttal og eitt med omfang på minst 20 vekttal. 

Studiet vert starta opp med atterhald om godkjenning frå departementet, ressurssituasjonen ved høgskulen og at det melder seg nok søkjarar. 
 

TILBAKE
 

Kontoret for etter- og vidareutdanning (KEV) 
E-post: kev@hivolda.no