Tryggleik

• Bruk vernebriller. Dette er viktig for å unngå å få støv og bitar av tre i augene. Det kan også skje at emnet sprekk og blir slengt uti rommet i stor fart. Då er det godt å ha noko som tek av for smellen.
• Ved sliping med sandpapir skal anlegget fjernast og ein bør i tillegg til vernebriller bruke støvmaske.
• Dersom ein har langt hår, bør ein samle det i ein hestehale.
• Vide klesplagg og ermar kan vikle seg rundt dei roterande delane i benken. Dette er viktig å passe på.
• Ein må passe på at maskina har rett turtal i forhold til diameteren på emnet.
• Bruk lavt turtal ved balansedreiing av større emne. Ein auka turtalet når emnet er balansert.
• Dersom emnet er samanlimt bør ein sørgje for at limet er skikkeleg tørt. Det oppstår ofte stor sentrifugalkraft når emnet roterer.