Innleiing
Tredreiing er ein gamal tradisjon. Den har røter heilt tilbake til 300-talet f.Kr, då
arbeidet vart utført med muskelkraft. Etter kvart vart dreieinnretningane meir og meir
avanserte, men ikkje før opp imot vårt århundre fekk vi ein dreiebenk som er lik den vi
nyttar i dag.
Eg har her laga eit undervisningsopplegg, som skal hjelpe elevar og lærarar til å kome i
gang med tredreiing. Tredreiing kan ein godt starte med frå 6 klasse og oppover, kanskje
enda tidlegare dersom ein har små klasser. Elevane treng god veiledning, det er viktig at
elevane lærer seg å respektere reiskapa og maskinene, slik at ein unngår uhell. Eg vil
peike på ein del av dei moglegheitene som tredreiebenken gir når det gjeld å løyse
enkle oppgåver innan faget.
Kva seier Læreplanen.
6. klasse
I fagplanen for Kunst og Handverk står det blant anna at elevane i 6. klasse skal øve seg i "å planlegge, skissere og lage enkle bruksformer i for eksempel leire, tre og metall"(s.199). Det står også under same klassetrinnet at elevane skal få "erfaring med å bearbeide overflater i tre, metall og leire" (s.199).
7. klasse
I 7. klasse skal elevane "utvikle forståelse for verdien av kulturelt mangfold gjennom samtale og drøfting av ulike uttrykksformer, bl a fra skulptur, moter, kunsthåndverk og håndverk" (s. 200).
8.-10. Klasse
Her skal elevane "utvikle kjennskapen til særtrekk ved ulike kulturtradisjonar" (s. 201) og "ha kjennskap om ulike materialers, redskapers og teknikkers muligheter og begrensninger" (s. 201). Dei skal også "videreutvikle sine ferdigheiter i arbeid med bruksformer i harde materialer og eksperimentere med mulige anvendelsesområder" (s. 202).