SKISKULE

Nybyrjaren bør sjølvsagt starte med det enklaste og mest elementære. Vil du begynne på eigenhand eller har du med nokon som vil lære, så sørg først og fremst for at utstyret er bra. Dvs. at det er heilt og i orden, og at det er tilpassa den som vil stå på ski. Eit tips frå meg er at nybyrjaren bør ha eit stødig utstyr, men ikkje i nærheita av det som konkurranseutøveren har. Dette vert altfor stivt, og ein mister ein del av følelsen, og det som har med balansetreninga å gjere.
Begynn så med det mest elementære, nemlig det å stå i telemarkstilling. Skuv den eine foten fram slik at det vert omlag ei skolengde mellom føtene, og bøy i knea. Prøv begge vegar.
Det neste vert då å prøve å svinge på ski. Det finns mange ulike innlæringsmåtar for dette men eg tykkjer det er greit å gå direkte til telemark, utan å bruke t.d. plog som eit mellomledd. Køyr på skrå i bakken og sving oppover for å stoppe. Prøv dette i større og større fart, og til slutt kan ein prøve å krysse fall-linja. Dvs. å svinge nedover i bakken.
Dei vanlegaste feila som dukkar opp her er overrotasjon og bakvekt. Prøv og unngå overrotasjon ved å vri overkroppen motsatt veg av svingen, og unngå bakvekt ved å lene overkroppen framover.
Når svingen byrjer å sitje, så prøv å få med stavisettet før svingen. (Sjå teknikkdelen)

Vidarekomne bør sjølvsagt fortsette å utvikle det ein kan, og heile tida strekkje seg litt lengre. Det å gjere ting som ein eigentleg ikkje tør er kanskje den beste metoden.
For å vere litt meir konkret, bør ein prøve seg i stadig brattare terreng, der ein må auke rytma på svingane, og kanskje også må bruke hoppsvingar for å oppretthalde fartskontroll.
Hugselista her vert omlag den same. Unngå overrotasjon og bakvekt, og bruk stavane aktivt. I hoppsvingar kan det og lønne seg og bruke begge stavane for å få eit skikkeleg stem før stegvekslinga.
Mykje av utfordringa bør og ligge i å prøve seg på vekslande føre, og køre både på is og i laussnøen. (Sjå på "Fjellskiløping")

Eksperten kan det aller meste om det å køyre telemarksvingar. Han beherskar alle slags forhold, skitypar, terreng og andre vanskelege variablar. Utfordringa bør då ligge i å finne på litt utradisjonelle ting for å fremme sine fysiske og motoriske sider. Ved å prøve ein del hopping, og etterkvart legge inn triks som helikopter (360 grader rotasjon i lufta), og salto vil ein etterkvart også våge nye ting i bakken.
Engellsvingen,der ein svingar med kryssa ski, eller Eikresvingen, der ein står kun på innerski, eller svingar begge vegar med den same telemarkstillinga, er knalløvelsar for balanse og koordinasjon.

Opp att

Kjelde; Flemmen, Asbjørn "Skilæring"
Engell/Gjelsvik "Svingteknikk på telemarkski
Bilde; Randi K