Shetlands-Larsen
Ein av dei best kjende blant Shetlands-fararane er Leif Larsen, også kalla "Shetlands-Larsen."
Han vart fødd i Bergen den 9. januar 1906. Han drog tidleg til sjøs og hadde segla på alle verdshava før den andre verdskrigen braut ut.
Leif Larsen melde seg saman med mange andre nordmenn som frivillig i Finnlandskrigen i januar 1940. Der fekk Larsen den første militære opplæringa si, i ein hard vinterkrig i eit barskt klima. Men Finnland måtte kapitulera etter nokre månader med harde kampar.
Då nordmennene kom tilbake til Norge i midten av april. var landet okkupert av Tyskland. No vart kompaniet sett inn i kampane på Austlandet. Men den 3. mai fekk dei vita at kampane i Sør-Norge var slutt. Dersom Leif Larsen no skulle halda fram kampen mot tyskarane, var den einaste sjansen å koma over til England. Men det var ikkje lett.
Han fekk bli med motorkuttaren "Motig 1" over til Shetland.Etter ein del klarering i London, vart Leif Larsen send tilbake til Shetland i august 1941. Dermed gjekk han aktivt inn i "Shetlandsgjengen".
Leif Larsen gjorde i alt 48
turar over Nordsjøen i krigsåra. I åra 1941- 43 var
han skipper på fleire motorskøyter. På mange av turane
opplevde han stor dramatikk. Han var nær ved å forlisa under storstormen i
november 1941. Hausten 1942 måtte han søkkja kutteren
"Arthur" i Trondheimsfjorden etter at ein
aksjon mot krigsskipet "Tirpitz" mislukkast. I
mars året etter vart "Bergholm" senka av tyske
fly. Mannskapet vart redda, bortsett frå ein som døydde
av såra han fekk.
I åra 1943 - 45 var Leif Larsen sjef på ubåtjagaren "Vigra". Med denne båten gjorde Larsen i alt 36 turar over Nordsjøen.
