Angrepet på Norge
Det var to viktige føresetnader for at angrepet på Norge skulle lukkast:
- Det måtte haldast hemmeleg.
- Det måtte koma overraskande.
Dessutan: Både hæren, marinen og luftvåpenet skulle brukast.
Adolf Hitler gav personleg general Nicolaus von Falkenhorst oppdraget å leia det tyske angrepet på Norge. "Eg har fått underretning om at engelskmennene har tenkt å gå i land der. Eg ynskjer å vera der før dei."
2.april 1940 gav Hitler det endelege klarsignaletfor angrepet på Norge. Fire dagar seinare forlet dei første krigsskipa tyske hamner. Operasjon "Weserübung" var i gong.
Klokka var 0421 om morgonen 9. april då kanonane "Moses" og "Aron" på Oscarsborg festning i Oslofjorden fyrte av dei første fulltreffarane. To timar seinare sokk den tunge kryssaren "Blücher". Den norske regjeringa, Stortinget og kongehuset fekk dermed eit viktig pusterom.
Den tyske angrepsplanen gjekk ut på at 9000 mann skulle transporterast med krigsskip, medan 2000 soldatar skulle overførast med fly til Sola og Fornebu.
Tidleg om morgonen den 9. april slo dei tyske styrkane til i byane Narvik, Trondheim, Bergen. Stavanger, Egersund, Kristiansand og Oslo.
Mobliseringsordre til norske styrkar vart straks sendt ut. Men etter få veker viste det seg at den tyske overmakta var for stor. Likevel var det somme stader nordmennene greidde å stansa dei tyske troppane ei tid, m.a. i Valdres.
9. april rømde Kongen, regjeringa og Stortinget til Hamar, seinare til Elverum.Same kvelden gjorde Vidkun Quisling statskupp og tala til det norske folket gjennom NRK. Gullet frå Norges Bank vart transportert ut av Oslo før tyskarane gjorde krav på det 10. april.
