Til startsida.   

Selektiv beiting: 

Buken treng næring. 

Følgjer våren. 
 
 
 

Selektiv beiteing.

Gjennom såforsøk er det påvist at hjorten i denne årstida er selektiv i val av beite. Friske unge planteskot har eit høgare proteininnhald enn eldre plantar. Å ha tilgang til og å kunne oppsøkje slik vegetasjon kan vere avgjerande for overlevinga til kalvane gjennom ein vinter med knapp fødetilgang. Å oppnå høg haustvekt vil og gje føremoner i reproduksjonssamanheng. 
 
 

Bukken treng næring til brunsten.

For hanndyra er det viktig å opparbeide tilstrekkjelege feittreservar før brunsten tek til. Gjennom ein månad i brunnsttida vil kronhjorten forbrenne eit feittlag på opptil 13 cm målt over krysset (bakbarten) og tape opp til 25 % av kroppsvekta. I strenge vintrar er det derfor ofte vaksne bukkar, i tillegg til små kalvar som stryk med.

Følgjer våren: 

Etter som gras- og urtebeitet i skogen vert betre, brukar hjorten meir og meir energi på å oppsøke dei beste beita. Det optimale er i så fall å følgje snøsmeltinga innover og oppover i landet. Forsking har synt at delar av hjortestamma føretek slike beitetrekk, med påfølgjande "snøtrekk" attende mot kysten om hausten. Dei dyra som trekkjer ut er jamt over større om hausten enn hjort som vert ståande i kystområda heile året.