Innleiing
	Kva er ein kommune?
	Kommunens oppgåver
	Kven gjer kva?
	Politisk styring
	Organisering
	Kommunal ordliste
	Statistikk
	Lenker til andre sider

 
 
 

Skriven av Jorunn Birkeland.   Kontakt meg gjerne dersom du har kommentarer.

 

Den øvste leiaren i ein kommune heiter rådmann eller administrasjonssjef. Det er han som er ansvarleg for at det som politikarane bestemmer blir følgd opp. Han har også ansvar for å leia og koordinera arbeidet i ein kommune. Sjølvsagt har han mange til å hjelpa seg med dette, men dersom noko går gale i administrasjonen er det han som har ansvaret. 

Staben eller hjelparane til rådmannen vert oftast kalla for  
Sentraladministrasjonen.  
og den blir igjen delt opp i fleire avdelingar, dei mest vanlege er: 

Rådmannskontoret  
Sekreteriatsfunksjon for politiske utval og driv med ekstern og intern informasjon. 

Økonomikontor/kommunekassa  
Utarbeider forslag til budsjett, fører regnskapet og driv med økonomistyring. Frå dette kontoret blir alle rekningane blir betalt og her sender dei også ut rekningar på kommunale avgifter og gebyrer. 

Under her høyrer også skattekontoret som har ansvar for at bedrifter og enkeltpersonar betaler inn skatt til rett tid.  

Personalkontor  
Tilset det personale som trengst til ein kvar tid for å løysa dei oppgåvene ein har. Utøver den personalpolitikken som administrasjonsutvalet har trekt opp. Handsaming av saker som vedrører dei tilsette og passer på at lover og regler blir følgde. 

Ofte føretek også personalkontoret lønsutbetaling, men dette arbeidet kan også liggja til kommunekassa eller som eit eige lønningskontor. 

Revisjon   
Kritisk gjennomgang av regnskap og regnskap/økonomiske rutiner 
I kommunane blir dette vanlegvis utført av ei interkommunal verksemd. 

Utanom sentraladministrasjonen finn vi andre avdelingar:  

Landbrukskontor  
Gjer ulike former for støtte og hjelp til bønder og tar vare på, styrkjer og utviklar landbruket og skogbruket. Forvaltar ein del statlege tilskotsordningar til bønder.  

Næringskontor  
Hjelper det lokal næringsliv med ulike saker. Er også ei støtte og hjelp for dei som vil starta opp med noko nytt. 

Miljøavdeling  
Koordinerer miljøtiltak arbeider for å ivareta miljøet på tvers av avdelingane. Nokre stader er også viltforvaltning og friluftsliv knyta til denne avdelinga. 

Skulekontor/oppvekstetat  
Administrasjon for skule, barnehage og musikkskule. Serviceorgan for etaten. 

Skule   
Den obligatoriske skulen frå 1 - 10 klasse. Skal samarbeida med heimen om læring, sjølvstendig utvikling, trivsel og sosialt fellesskap av barn på desse klassestega. 

Skulefritidsordning (SFO)  
Fritidstilbod til barn i småskulen før og etter skuletid og i skuleferiar. 

Barnehage  
Pedagogisk tilrettelagt tilbod for barn som ikkje ar begynt på skulen. 

PP-teneste  
Pedagogisk-psykologisk teneste . Skal hjelpe skulen og barnehagen til å utvikla gode læringstilhøve for elevar med behov for særleg hjelp. 

Musikkskulen  
Pedagogisk tilrettelagt musikktilbod til barn og unge slik at desse kan få utvikla sine musikalske eller skapande evner. 

Legekontor/senter. 
Helsefagleg personell kor ein kan venda seg dersom ein er sjuk for avtale av time til fagperson. I tillegg blir det også utført ein del førebyggjande arbeid og rutinekontroller. 

Helsestasjon  
Utfører kontroll av gravide, kontroll og vaksinasjon av barn og gjev veiledning i høve til fødsel, stell og oppseding av barn. 

  Sjukeheim  
Institusjon for pasienter med stort behov for helsetenester, sjukepleie og annen omsorg. 

Heimesjukepleie 
Del av kommunen sin helseteneste som gjer pleie i heimen. Skal avlasta heimane og førebyggje innlegging i sjukehus eller sjukeheim. Blir ofte tilbydd i kombinasjon med heimehjelp - som blir gitt til heimar som treng ulik hjelp med daglege gjeremål.  

Sosialkontor  
Administrasjon av diverse stønader til personar som ikkje har nok pengar til eige livsopphald. 

Barnevern  
Dei tiltak som den kommunen set i verk for å hjelpa barn i vanskar, som regel barn i familiar med sosiale problem. 

Kulturhus/kino 
Møtestad for ungdom, kulturelle foreiningar, musikkmiljø og liknande. 
Syner kinoforestillingar. 

  Bibliotek 
Samling av bøker og andre media som kommunen sine innbyggjarar kan låna. 

Ungdomsklubber  
Organisert fritidsaktivitetar for ungdom, leia av ein eller fleire vaksne. 
 
Teknisk etat  
Kommunal etat med ansvar for den tekniske sida av kommunen sin verksemd, vann og avløp, gater og vegar, vedlikehald av bygningar, renovasjon, brannvesen etc. 

Hamnevesen  
Har ansvar for landet sine hamner. Hamnevesenet i mange kommunar får store inntekter gjennom hamneavgiftene. 

 
Lokale offentlege kontor som ikkje er kommunale: 
Det er viktig å merka seg at det er ein del lokale offentlege kontor som ikkje er kommunale slik som: 
Likningskontoret  
Lensmannskontoret/politi  
Trygdekontor 
Prestekontor  
Kyrkjekontor  
 

 Politisk styring        Hovudsida       Kommunal ordliste