Innleiing
	Kva er ein kommune?
	Kommunens oppgåver
	Kven gjer kva?
	Politisk styring
	Organisering
	Kommunal ordliste
	Statistikk
	Lenker til andre sider

Til hovudsida  

 
 
 
 

Skriven av Jorunn Birkeland.   Kontakt meg gjerne dersom du har kommentarer.

 

Kommunen møter oss i alle stadier i livet; ved fødsel, i oppveksten, i arbeid og fritid, under etablering, i alderdommen og ved slutten av livet. Kommunen har ansvare for eit mangfald av oppgåver, og er ein stor tenesteprodusent.  

På ein enkel måte kan vi sei at kommunen yt tenester og service til innbyggjarane frå fødsel til død.  

Ein kommune har som sagt mange oppgåver, og omfanget vil variera etter kor stor kommunen er, geografisk plassering og næringsgrunnlag. 

Ein del av kommunen sine oppgåver er lovpålagde, det vil sei at det er ein lov som bestemmer at alle kommunar skal utføra den type oppgåver.  

Eksempel på slike lovpålagde oppgåver er: 

   grunnskule 
   legeteneste 
   helsesysterteneste 
   heimesjukepleie 
   sjukeheim 
   utarbeida kommuneplan og reguleringsplan 
 
Kommunane utfører også ein del oppgåver som ikkje er lovpålagde så som 

   kino 
   byggje idrettsanlegg 
   sikra friluftsområde 
   barnehagar 
   landbruksvikar 
   gje ut bygdeblad/avis

  Det er nødvendig å skilja mellom oppgåver som er lovpålagde og oppgåver som ikkje er lovpålagde. I økonomisk tronge tider kan politikarane dermed vedta å leggja ned oppgåver som ikkje er lovpålagde, men dei kan sjølvsagt ikkje leggja ned dei oppgåvene som er lovpålagde. 

Det er også viktig og nemna at det er ein del oppgåver kommunane ikkje kan ta seg av, oppgåver som høyrer andre offentlege forvaltningsnivå til. F. eks kan ikkje ein kommune vedta og oppretta eit eige politikorps, for det er staten sin oppgåve. Kommunen kan heller ikkje vedta å byggja vidaregåande skule eller sjukehus for det er det fylkeskommunen som tar seg av. 

Det er klart definert i lover kva for oppgåver som dei ulike offentlege forvaltningsnivå skal løysa. Vi kan bruka opplæring som eksempel; det er kommunen som tek seg av grunnskulen, fylkeskommunen tar seg av vidaregåande skular og staten tar seg av høgskular og universitet 
 
 

 Kva er ein kommune?     Hovudsida       Kven gjer kva?