Olympiske leikar i moderne tid
OL i moderne tid
ideen
sommarleikar
vinterleikar
| Oldtid | Pause | Moderne | Paralympics | Oppgåver |
Pierre de Coubertin
Den franske baron Pierre de Coubertin ivra for at fysisk trening og idrett måtte få sin naturlege plass i skulen. Han hadde også studert gresk litteratur, og blei fascinert av dei olympiske leikar.
Under verdsutstillinga i Paris i 1889, blei det stilt ut ein modell av utgravinga av Olympia.
"Når tyske arkeologar har greidd å grave fram ruinane av Olympia, så må franskmennene kunne blåse nytt liv i dei olympiske leikar", tenkte Coubertin.
Han såg føre seg ei samla verd på tvers av kulturar, i fredeleg kappestrid.
Fleire hadde hatt dei same tankane, og på ein konferanse i Paris i 1894 blei den Internasjonale Olympiske Komite (IOC) stifta.
Her vart det vedteke å arrangere dei første moderne olympiske leikane i Aten 2 år seinare.
Etter leikane i Aten i 1896 var det krefter som ville at leikane alltid skulle haldast i Hellas. Men Coubertin kjempa gjennom at dei Olympiske Leikane skulle arrangerast i ulike land for på denne måten å uttrykke det internasjonale.
Leikane i Aten var sommarleikar. Først i Chamonix i 1924 blei dei første vinterleikane arrangert.
Vurderingsskjema
Ei side tilbake |
Ei side fram |
