Ekskursjon til ein dam
     

[ Startside ] [ Innleiing ] [ Forarbeid ] [ Feltarbeid ] [ Etterarbeid ] [ Planter ] [ Dyr ] [ Ordforklaringar ]

Etterarbeid
Presentasjon

PLANTER:

- vi finn namna på plantene og lagar fine planteetikettar.

	- vi brukar arbeidsboka og teiknar nokre av plantene og skriv namn på dei.Kanskje kunne ein jobbe litt ekstra med nøkkerosa og eventyr/mytar/biletkunst.Her er det eit stort tilfang å ta av.Emnet kan fint integrerast i norsk og kunst og handverk.
	- i lag med læraren teikne ein profil av dammen og plassere plantene på rett stad.
	- vi legg plantene i press for å tørke/ konservere dei for seinare å kunne bruke dei i ei samling eller til presentasjon.

- vi kan bruke eit plastakvarium - eller vi kan lage eit akvarium av glas - til å oppbevare dyra vi fann i feltarbeidet.Tips! Ikkje oppbevar vasskalven i  akvarium i lag med dei andre dyra.Vass kalven vil fort ete opp dei andre dyra!I akvariet har du med sand,grus og smårusk som trekantskrapa drog med seg på ekskursjons- staden.I tillegg kan du bruke vatn frå dammen. Kanskje kan du legge flyteplanter som dei ørsmå andematplantene og dei oksygengivande hornbladplantene i akvariet.Her kan du studere dei ulike dyra som vart funne i dammen .Finn ut kor mange artar det er i akvariet.

	-kanskje ein har lyst til å prøve seg på augestikkaroppdrett? Augestikkaren et berre ting som bevegar seg - som meitemakk og andre smådyr.Larvane er konstant svoltne,så vi må passe på og fore dei.Vi kan lure dei til å ete stykke av kjøt og fisk ved å plassere desse på ein pinne og bevege stykka fram og tilbake.Dersom vi er heldige trivst og veks larvane.Etterkvart bør vi legge på plass planter eller pinnar som stikk opp av vatnet i akvariet.Så kjem dagen då den heller stygge larven kjem   opp av vatnet og blir sittande....og vente! Til slutt sprekk huda i ryggen - omlag som når ein opnar ein glidelås -og ut av hamen(skalet) kjem eit insekt.Så sit han der og tørkar og vil etter ei tid ta laust på sin første flygetur.Spennande!
	Elles er augestikkarlarven fin til å gjere forsøk med: Prøv å føre handa fort over akvariet.Kva skjer?Kvifor skjer dette?Vil det halde fram med å skje?Kvifor /kvifor ikkje? Mange spørsmål - og mange svar.La elevane gruble litt. Ein skugge som kjem ovanfrå utgjer ein mogleg fare for insekt som er i eller heng i overflata.Dei stikk då til botnen.Dersom du gjer dette ofte,vil insekta etterkvart slutte å reagere.Insekta venjer seg til at skuggen er ufarleg og reagerer difor ikkje.Dette kallar vi tilvenjing.
	Vi kan også gjere forsøk for å finne ut korleis vannløparen kan springe på vassflata.Kvifor vil han ikkje falle igjennom? Her høver det godt med å bruke ein binders som ein slepp forsiktig ned på vassflata og vi ser at han ikkje dett i gjennom.Overflate hinna eller spenninga held han oppe.Kva skjer om du tilset litt såpe i vatnet?Prøv!Her er rom for mange meiningar og ein god diskusjon.
	Eit anna interessant forsøk er å sjå kva som skjer om vårflugelarven vert fråteken huset sitt.Om vi fann  vårflugelarvar   på ekskursjonen ,kunne vi putte dei  på eit glas og ta dei med til skulen.Eit vårflugehus er ope i begge endane.Vil du ha ut larven,kan du kile han med ein pinne i ein enden.Då kjem han ut.Tak vekk huset og legg inn bittesmå farga perler eller mosaikkfliser av tre.Etterkvart vil han bygge seg eit nytt hus.