|
Planter
Planter 2
Planter 3
| |
Dei største produsentane i ein dam,er først og
fremst planteplankton - algar.Eg vel likevel i det følgjande å skrive om stengelplantene
fordi desse er lette og studere utan bruk av mikroskop.
Stengelplanter:
For lenge sidan vidareutvikla stengelplantene seg frå å vere algar.Med dette
tilpassa dei seg eit liv på land.Utviklinga førte med seg at plantene fekk rot,stengel og blad noko som algane ikkje
har.Seinare har utviklinga på ny ført til at stengelplanter tilpassa seg vatn.Eit
absolutt krav måtte då oppfyllast:Det måtte skaffast luft til alle organ - også dei
som står under vatn.Løysinga er at desse plantene har eit svampete luftfylt vev som
leier luft heilt ut i dei ytterste delane av planten.
Bladskaft og stenglar har
lite støttevev,men det gjer til gjengjeld at planta vert meir mjuk og bøyeleg noko som
er naudsynt i straum.
Alt etter måten og staden
plantene veks,deler ein dei opp i 5 grupper. Eg tek berre med nokre eksempel frå
kvar gruppe:
| Gruppe 1 |
Overvassplanter: Hos desse plantene er
rota og litt av stengelen i vatn.Blad og blomar er over vatn.Rekna frå land er dette den
første gruppa.Ofte seier ein at plantene i denne gruppa høyrer til sevbeltet. |
-soleiehov
-grøftesoleie
-sumpmaure
-minneblom
-lyssev
-knappesev
-duskull og torvull
-flaskestarr
|
| Gruppe 2 |
Flyteplanter: Plantene flyt fritt i overflata.Vi har 3 artar i Norge. |
-andemat |
| Gruppe 3 |
Flytebladplanter: Røtene er festa til botnen,medan blada flyt på overflata -derav
overskrifta.Flytebladplanter finn vi like utanfor området til overvassplantene.Stenglane
og/eller bladskafta kan vere fleire meter lange.Plantene er slakke og vert haldne oppe av
oppdrifta i vatnet.Tek vi dei ut av vatnet,dett dei ihop.Spalteopningane sit på oversida av blada. |
--gul nøkkerose
-kvit nøkke-rose
-vanleg tjønnaks
-kysttjønnaks
-rusttjønnaks
-flotgras |
| Gruppe 4 |
Langskotsplanter: Plantene har lange stenglar med blad nede i vatnet.Plantene kan flyte
fritt eller dei kan vere festa til botnen med røter. |
-klovasshår
-småvasshår
-hestehale
-blærerot
-tusenblad
|
| Gruppe 5 |
Kortskotplanter: Planten veks på botnen og har kort stengel så blada vert oftast ståande
i ein rosett.Underlaget er gjerne sand og grus.Om det vert for mykje mudder i vatnet,vert
rosettane tildekte og det vert for lite lys.Det toler dei ikkje.Også myrtilsig vil vere
med å gjere vatnet brunt og såleis begrense lystilgangen. |
-botnegras
-tjønngras
-stivt brasmegras
|
Her kan du finne bilete av plantene.Dersom du sjølv vil leite
etter bilete på veven,bør du søke med den latinske nemninga.Det er då oftast lett å
finne dei ulike bileta du er ute etter.
|
