supper og graut kaker og brød andre ting selskap og høgtid kokebok
: DETTE ER EI SIDE MED 8 BILDER, SÅ DET KAN TA LITT TID FYRSTE GONGEN DU SKAL LASTE NED SIDA.
Flatbrød var eit viktig innslag i kosten, og blir framleis baka på den tradisjonelle måten, men då helst til jul eller høgtider. Det var ofte fleire koner som gjekk ilag og laga deig, knadde og baka utover natta. Det var eit varmt og hardt arbeid for det skulle som regel bakast for eit halvt år om gongen. Praten kunne gå livleg i bakstehuset, så mykje nytt frå bygda kom fram denne dagen/kvelden.
Det var ofte mange i familien og flatbrød var eit godt og næringsrikt tilskot. Oppskrifta som står under er henta frå "Matoppskrifter frå eldre tid i Indre Nordfjord", men det er ikkje dei store endringane i oppskrifter som blir brukt i dag.
1 kg havregryn
1 kg havremjøl
2 ts salt
sammalt kveitemjøl
ca. 3 l vatn
Tøm havregryna opp på eit stort fat. Kok opp vatn og slå det over og la det stå natta over. Knø inn salt, havremjøl og sammalt kveite til fast og god deig. Lettvint måte å lage emne på er: Ta ein stor del av leiven og kjevl ut til ein tjukk leiv (2-2,5 cm). Lag runde leiver, og kjevel desse runde og tynne. Steik dei på ei takke. Må oppbevarast tørt og mørkt.
Flatbrødsteiking er ikkje nokon lett jobb. Du må vere konsentrert og arbeide raskt, elles vil leivene fort bli brende.
Bilda under er henta med løyve frå " Mat frå gard og grend" - Snøhetta Forlag. Fotograf til bilda: Bjarne Fossøy
Bilde 1: Dersom leiven skal bli rund, må emnet vere godt tillaga. (Fotograf: Bjarne Fossøy)
Bilde 2: Passeleg mengde med "breimjøl" må til. Breimjøl for oppskrifta over: blanding av byggmjøl og sikta, sammalt kveitemjøl (Fotograf: Bjarne Fossøy)
Bilde 3: Leiven veks - Marie har eit godt tak på kjevla. (Fotograf: Bjarne Fossøy)
Bilde 4: Heilt til slutt: Ein omgang med rutakjevlet. (Fotograf: Bjarne Fossøy)
Bilde 5: Leiven skal på takka. Stikk spaden under leiven, løft opp og brett framover. Rull deretter leiven bakover. (Fotograf: Bjarne Fossøy)
Bilde 6: Løft leiven frå bakstefjøla. (Fotograf: Bjarne Fossøy)
Bilde 7: Legg leiven på takka og rull leiven framover (Fotograf: Bjarne Fossøy)
Bilde 8: Brødet er snart ferdig, og stabelen veks! (Fotograf: Bjarne Fossøy)
kokebok kaker og brød
