ROSEKYRKJA

Inventar

Benkane.

Benkane i gamlekyrkja er plasert på ein måte som minner om plasseringa i ei korskyrkje. Nokre av benkane langs nord- og sørveggen er plassert som i amfi. Det går ei tverrgang i kyrkja som fører bort til desse sitjeplassane.

Det ser ut for at kvar gard, eller fleire gardar saman, har laga benkane sine sjølve, då det knapt finst to benkar som er like.Dei størst og rikaste gardane hadde sine benkar nærmast alteret.

Det er dører frå midtgangen og inn til benkane. På dørene er det måla nummer eller namn.

Dei bakerste benkane under galleriet er også plassert i amfi. Desse benkane er smale og er utan ryggstø.Det var folk som ikkje hadde eiga jord som vart plassert her.

På folkemunne vert det sagt at det kunne vere svært så trangt og livat under galleriet.

Plasseringa i kyrkja rangerte folket i bygda etter kor mykje jord dei eigde.