Separasjonsdelen

Separasjonsdelen har som hovudoppgåve å skilja våtgass (det vil seia propan, butan, isobutan og nafta) frå gassen som skal sendast til kjøparane på kontinentet (metan og etan).

Ved å senka temperaturen og trykket fleire gonger får ein skilt (separert) gassane frå einannan. Når ein senkar temperaturen og trykket vil våtgassen gå over frå damp til væske - han kondenserer. Våtgassen blir sendt vidare til fraksjoneringsdelen.

Hovuddelen av restgassen er metan, etan og litt propan. Gassen blir ført til ein kompressorstasjon. Der blir trykket auka att, slik at gassen kan sendast vidare i røyrleidningen frå Kårstø.