Cracking

Når ein brukar naturgass som råstoff i industrien, må ein dela opp (spalta), forandra og setja saman gassmolekyla slik at dei kan laga nye molekyl. Når eit molekyl vert spalta, vil atoma danna fleire forskjellige nye molekyl. I tillegg må ein oftast nytta ein katalysator for å få prosessen i gang. Ein annan måte å omdanna naturgassen på, er å la han reagera med andre stoff, t.d. vatn eller luft, slik at det vert danna nye kjemiske sambindingar.

Kjemisk reaksjon

C₂H₆ ® C₂H₄ + H₂
Etan ® Etyn (= etylen) + Hydrogengass

Polymerisering

Det finst mange typar plast. Ein av dei er polyetylen. For å laga polyetylen må ein binda saman lange kjeder med etylen-molekyl. Denne prosessen vert kalla polymerisering. Det er viktig å få akkurat dei molekyla ein ynskjer. Når plasten vert framstilt, vert råstoffet sendt inn i ein reaktor saman med ein katalysator. Ein bringar blandinga opp til rett trykk og temperatur, og det oppstår ein polymerisering.
Polyetylen inneheld fleire hundre tusen etylen-molekyl. Det kjemiske namnet på etylen er etyn. Kjemisk formel for etyn / etylen er C₂H₄.