Korleis kan elevbedrift førebyggja åtferdsproblem?

Det er ikkje til å koma bort ifrå at grunnskulen har eit aukande problem med åtferdsvanskar mellom barn og unge. Tidlegare rekna ein mange stader mellomsteget som ein roleg fase i livet til barna. I desse tre åra før puberteten er barna store, men framleis barn på mange måtar. Utover i nittiåra har m.a. mediesamfunnet vårt bidrege til at denne aldersgruppa allereide i for stor grad kjenner til den "vaksne verda". Mange tek inn over seg problemområde som dei skulle vore sparte for i nokre år enno. Meininga med opplæring og utdanning til det vaksne livet må derfor òg ha fokus på denne aldersgruppa.

På mange skular er det blitt slik at mellomsteget representerar dei største utfordringane når det gjeld forebygging av adferdsproblem. Manglande motivering for skulegang, hærverk og konfliktar elevane imellom skapar problem for undervisninga. På mange måtar ser det ut for at mangel på meiningsskapande gjeremål fører til frustrasjonar mellom barna. Prosjektarbeid med mål og meining kan vera med på å snu denne trenden. Konkrete drøftingar, planlegging og gjennomarbeiding av opplegg skapar engasjement.

I eit avisintervju med Håkon B. Landråk ved Høgskulen i Stavanger vert det hevda at elevbedrift er vegen å gå i kampen mot mobbing og hærverk. På spørsmålett om elevbedrift er løysinga på problemet, svarar Landråk slik:

"Nei, det fins ingen vaksine. Men det viser seg at mobbing skjer mellom elever som ikke har felles mål. I en elevbedrift er det verken tid til eller klima for mobbing. Elevene identifiserer seg med aktiviteten og produktet. Kunnskapen fra skolen blir omsatt i konstruktiv, praktisk handling fram mot et produkt som har verdi" (Dagbladet 28.01.96) Høgskulen i Stavanger står òg ansvarleg for utgjeving av Distriktsaktiv skoleNYTT