Det er mykje som skal tenkjast igjennom før ein kan  få igang ei bedrift. Det kan vera vanskeleg berre å forstå korleis det produktet som elevane vil satsa på kan utnyttastbest mogeleg. Punkta under kan gje ei peikepinn på problemstillingane som bør drøftast.

	Ressursforståing
	Ressursregistrering
	Utforming/design
	Kostnadskontroll
	Oversikt over tidsbruk
	Kalkulering av salsverdi

Når elevane sjølve har sett ord på det dei skal skapa, er det òg lettare for andre å vera med på tankegangen. Alle etablerarar som skal starta ny verksemd, har ein større eller mindre trong for å koma ut med informasjon om tiltaket. Dette gjeld særleg når idéskaparen søkjer om å få offentleg stønad. Ein plan for korleis ting skal gjerast, vert kalla for ein forretningsplan. I dei fleste samanhengar må det skrivast ein slik plan for at t.d. kommunale instansar er villige til å handsama saka. Informasjonen som elevane samlar seg under igangsetjingsprosessen, kan skrivast opp som ein forretningsplan.

 

Kva punkt bør ein forretningsplan innehalda?

	Forretningsidé
	Marknadsvurdering
	Marknadsplan
	Investering og finansiering
	Organisering av bedrifta
	Budsjett