Ulvik fekk sin eigen musikkskule i 1985. Til femårsjubileet laga musikkskulen i samarbeid med Kenneth Sivertsen eit bestillingsverk til denne markeringa. Verket var ei tonesetjing til diktet "Fylg tanken". Det vart øvd inn i mange fasettar av instrument og songvariasjonar. Her var det plass for ulike tradisjonar og aldersgrupper.
Framføringa vart halden i Ulvik sitt nye kongressbygg. Bygdefolk og tilreisande fekk ta del i ei urframføring og ei eingongsoppleving skreddarsydd til dette høvet, til Ulvikbygda og Olav H. Hauge. Med hovdingen på fyrste rad og alle gode musikk-krefter samla, vart dette ei av dei store fellesopplevingane mellom diktar og bygdefolk i Ulvik.
Fylg tanken - men ikkje
til ytste egg,
og plukk ikkje kvar ein blom
på nysprotten hegg.
Lat tankane koma
og blåna or augneleite,
og blomar på draumetreet hanga,
kva dei so heiter.
