EVENTYR OG MYTER – VIKTIGE FOR VAKSNE?

Når vi kjem i 40 – åra, kjem mange av oss i ei livskrise som er tung å bære, ikkje minst lærarar. Vi er utslitne, gått tom, det blir tungt å sette seg inn i nye ting, det blir tungt å forandre på undervisninga vår.   

Manglar vi noko grunnleggjande i livet vårt? Kvifor slit vi oss ut? Kvifor lar vi oss drage med i ein karusell av eit liv der vi ikkje torer å stille spørsmål, lytte til vår indre stemme, gjere det vi har lyst til, før det er for seint? 

Er det fordi det på alle skulane vi har vore igjennom har vore lagt alt for lite vekt på å lære oss noko om vår eigen psyke, korleis vi er i vårt indre, og korleis mellommenneskeleg samspel verkar? 

Den kjende psykologen C.G.Jung sine teoriar har vore utgangspunkt for mange forskarar sine studier av eventyr og myter.  Ved å gå inn i dette stoffet kan vi få ei betre forståing av vår eigen psyke og lære om kva grunnleggjande menneskekunnskap som skjuler seg i eventyra. 

Vi må og gje oss tid til å lese og oppleve eventyra, mytene, fablane, historiene sjølve.  Vi må gje oss tid og rom til å oppleve visdomen frå urgammal tid, og la den røre ved hjarta våre. 

                                 Anne Hungnes